ევროპის უნივერსიტეტი

ევროპის უნივერსიტეტი ავტორიზებული, სასწავლო უნივერსიტეტის სტატუსის მქონე, უმაღლესი საგანმანათლებლო დაწესებულებაა, რომელიც კანონმდებლობით დადგენილი წესით, აკადემიური, უმაღლესი განათლების პროგრამებს ახორციელებს და შესაბამის დიპლომს გასცემს. 2018 წლიდან საგანმანათლებლო საქმიანობა უნივერსიტეტის ორ სასწავლო კამპუსში მიმდინარეობს და ამჟამად, ასეულობით ქართველი და უცხოელი სტუდენტი სწავლობს. ევროპის უნივერსიტეტი 9 აკრედიტებულ პროგრამას ახორციელებს. იგი დაკომპლექტებულია მაღალკვალიფიციური აკადემიური და მოწვეული პერსონალით, რომელთაც აქვთ მრავალწლიანი სამეცნიერო-პედაგოგიური მუშაობის გამოცდილება საქართველოს, ევროპისა და აშშ-ის წამყვან უნივერსიტეტებსა და კვლევით ინსტიტუტებში. პროგრამები:
საერთაშორისო ურთიერთობები, ფსიქოლოგია, სამართალი, ბიზნესის ადმინისტრირება, ინფორმატიკა, ვეტერინარია, დიპლომირებული სტომატოლოგია, სტომატოლოგია (ENG), დიპლომირებული მედიკოსი(ENG).