კავკასიის საერთაშორისო უნივერსიტეტი

კსუ მულტიმედია ცენტრი - ფოკუსი შენზე! მულტიმეიდა ცენტრი არის კავკასიის საერთაშორისო უნივერსიტეტის სტრუქტურული ერთეული, რომელიც თავის საქმიანობას საქართველოს კონსტიტუციის, „უმაღლესი განათლების შესახებ“ საქართველოს კანონისა და შ.პ.ს „კავკასიის საერთშორისო უნივერსიტეტის“ წესდებისა და დებულების მიხედვით განსაზღვრავს. თანამედროვე მედიატექნოლოგიებთან ჟურნალისტიკის სპეციალობის სტუდენტების წვდომისა და კონკურენტუნარიანი მედიაპროდუქციის მომზადების მიზნით, მულტიმედია ცენტრი უზრუნველყოფს:
* სალექციო კურსებზე დაფუძნებული მედიაპროდუქციის შექმნას;
* სამეცნიერო და კვლევითი პროცესების ვიზუალიზაციას;
* სასწავლო-სამეცნიერო, საგანმანათლებლო-შემეცნებითი და მხატვრულ-დოკუმენტური აუდიო, ბეჭდური და ვიდეო მედიაპროდუქციის წარმოებას;
* მედიაარქივის შექმნას, განახლებასა და განვითარებას;
* რთობლივი პროექტების განხორციელების და ცენტრის ბაზაზე შექმნილი მედიაპროდუქციის გავრცელების მიზნით, მედია საშუალებებთან თანამშრომლობას.
მულტიმედია ცენტრის ინტელექტუალური რესურსი, მატერიალურ-ტექნიკური ბაზა საშუალებას იძლევა, სტუდენტებმა იმუშაონ რეალურ სარედაქციო რეჟიმში და საკუთარი იდეები მულტიმედია პროდუქტად აქციონ. ეს არის სივრცე, სადაც თეორიული ცოდა პრაქტიკული უნარ-ჩვევებით ძლიერდება.