კომპანია Planet Computers-მა ქრაუდფანდინგ-პლატფორმა Indiegogo-ზე წარადგინა სმარტფონი-ტრანსფორმერი Astro Slide - 5G ქსელის მხარდაჭერით.
მოძრავი RockUp მექანიზმის წყალობით მოწყობილობას შეუძლია გარდაიქმნას QWERTY-კლავიატურის მქონე ჯიბის პერსონალურ კომპიუტერად, რომელიც საშუალებას აძლევს მფლობელს გაგზავნოს ტექსტური შეტყობინებები ან განახორციელოს ძიება ინტერნეტში.
სმარტფონს აქვს 6.53-დუიმიანი სენსორული დისპლეი, ასევე ფლაგმანური რვაბირთვიანი პროცესორი MediaTek Dimensity 1000, რომელიც გამოირჩევა „სხვა 5G ჩიპსეტებთან შედარებით გაორმაგებული წარმადობითა და ენერგომოხმარების მნიშვნელოვანი შემცირებით“.
მოწყობილობის მახასიათებლებში შედის 48-მეგაპიქსელიანი ძირითადი კამერა, ფრონტალური სელფი-კამერა, 6 გბ ოპერატიული მეხსიერება, 128 გბ მოცულობის მქონე მეხსიერების ფლეშ-მოდული, microSD მეხსიერების ბარათის სლოტი, Wi-Fi 6 და Bluetooth უსადენო კავშირების ადაპტერები. აგრეთვე ცნობილია, რომ სმარტფონს ექნება NFC მოდული, თითის ანაბეჭდის სკანერი, ორი USB-C პორტი და ყურსასმენის კონექტორი.
წყარო: Overclockers GE
