თუ უკვე ხართ დარეგისტრირებული, გთხოვთ გაიაროთ ავტორიზაცია
დამატებითი კითხვებისთვის, მოგვმართეთ: info@el.ge
თუ ხარ დარეგისტრირებული, გაიარე ავტორიზაცია
დამატებითი კითხვებისთვის მოგვმართეთ: info@el.ge
თუ უკვე ხართ დარეგისტრირებული, გთხოვთ გაიარეთ ავტორიზაცია
დამატებითი კითხვების შემთხვევაში მოგვწერეთ facebook
Microsoft 365 ავტორიზაცია
გამოვიდა გამოსახულების გენერატორი ხელოვნური ინტელექტი Imagine with Meta
თარიღი: 09/12/2023
პარტნიორი: Overclockers GE
DALL-E-ს, Midjourney-ისა და Stable Diffusion-ის შემდეგ Meta-მ წარადგინა საკუთარი გამოსახულების გენერატორი. პლატფორმა, რომელიც ქმნის სურათებს ტექსტური ბრძანებების გამოყენებით ეფუძნება ხელოვნური ინტელექტის მოდელ Emu-ს, რომელიც განსწავლულია გრაფიკასთან მუშაობისთვის. გენერატორს ეწოდება Imagine with Meta - იგი გთავაზობთ ოთხ სურათს ერთი მოთხოვნით, მაგრამ ამჟამად ხელმისაწვდომია მხოლოდ აშშ-ში.
„ჩვენთვის ძალიან სასიამოვნო იყო მომხმარებლებისგან იმის მოსმენა, თუ როგორ იყენებენ Imagine-ს, Meta AI-ის ტექსტზე დამყარებული გამოსახულების გენერირების ფუნქციას ჩატებში სახალისო და კრეატიული კონტენტის შესაქმნელად. დღეს ჩვენ ვაფართოვებთ წვდომას Imagine-ზე ჩატებს მიღმა. ჩვენი შეტყობინებების პლატფორმა შექმნილია ორმხრივი შეტყობინებებისთვის და ახლა თქვენ შეგიძლიათ სურათების გენერირება უფასოდ ვებ-ინტერფეისში“, - ნათქვამია კომპანიის ბლოგში.
ამ დროისთვის Imagine with Meta-ს მიერ შექმნილი ნახატები მონიშნულია ხილული ჭვირნიშნით (watermark-ით), მომავალში დეველოპერი მას უხილავით შეცვლის - მას დააგენერირებს ხელოვნური ინტელექტი და შესაბამისი მოდელი შეძლებს მის აღმოჩენას. ასეთი ჭვირნიშანი მდგრადი იქნება გამოსახულების ტრადიციული მანიპულაციების მიმართ: ამოჭრა, ზომისა და ფერის შეცვლა, ეკრანის კადრების გადაღება, შეკუმშვა, ხმაურის დამატება, სტიკერები და მრავალი სხვა, განმარტა Meta-მ. სამომავლოდ კომპანია გეგმავს მსგავსი მარკირების დანერგვას თავის ბევრ პროდუქტში ხელოვნური ინტელექტის მიერ შექმნილი სურათებით.
ამ დროისთვის Imagine with Meta ხელმისაწვდომია მხოლოდ აშშ-ის მომხმარებლებისთვის. ადრე Meta-მ Instagram-ის და Facebook-ის მომხმარებლებს შესთავაზა ხელოვნური ინტელექტის სტიკერების გენერატორი, მაგრამ სოციალური ქსელის მომხმარებლებმა დაიწყეს მისი გამოყენება უხამსობის შესაქმნელად - სერვისის ფილტრები საკმაოდ არასანდო აღმოჩნდა.
წყარო: Overclockers.ge