National Geographic საქართველო

ქ.თბილისი, ფურცელაძის #3
info@natgeo.ge
(032) 2932171
www.natgeo.ge
National Geographic შთაგვაგონებს ვიზრუნოთ ჩვენს პლანეტაზე! National Geographic მსოფიოში ერთ-ერთი ყველაზე ცნობილი ჟურნალია, რომელიც 1888 წლიდან გამოდის. იგი იბეჭდება 37 ენაზე და 100-ზე მეტ ქვეყანაში ვრცელდება. National Geographic-ს მსოფლიოს მასშტაბით დაახლოებით 100 მილიონი მკითხველი ყავს. ჟურნალ "National Geographic საქართველოს" გამოსცემს ორგანიზაცია “ენჯი საქართველო” (NG Georgia), რომელიც 2012 წელს დაარსდა თბილისში და რომლის ძირითადი მიზანია საზოგადოების ცნობიერების ამაღლება ნებისმიერი საბუნებისმეტყველო, ისტორიული თუ სოციალური და ეკონომიკური მეცნიერებების, აგრეთვე ტექნოლოგიების სფეროებში. "National Geographic საქართველო" უმაღლესი დონის ფოტოგრაფიის თანხლებით სახალისოდ მოგითხრობთ ძალიან საინტერესო ამბებს ისეთი სფეროებიდან როგორიცაა, ისტორია, არქეოლოგია, ანთროპოლოგია/ეთნოგრაფია, რელიგიათმცოდნეობა, ახალი ტექნოლოგიები, მედიცინა, ბიოლოგია, ფიზიკა, ასტრონომია/ასტროფიზიკა, გეოგრაფია, მეტეოროლოგია/კლიმატი, გეოლოგია, ველური ბუნება და არქიტექტურა. ეს არასრული ჩამონათვალია, რადგან ჩვენ ვაშუქებთ ყველა იმ სფეროს, რომელსაც „ზურგს უმაგრებს“ ნებისმიერი მიმართულების აკადემიური მეცნიერება. ჟურნალის გამოცემის პარალელურად, “ენჯი საქართველოს (NG Georgia)" ამოცანებია საქართველოში გეოგრაფიული, არქეოლოგიური, ისტორიული, ბიოლოგიური და სხვა ნებისმიერი საბუნებისმეტყველო სპეციალიზირებული ფუნდამენტური თუ გამოყენებითი კონკრეტული კვლევების ხელშეწყობა და/ან მათი განხორციელება.