სკოლამდელი განათლების განვითარების სამმართველო

სკოლამდელი განათლების მიზანია ბავშვების აღზრდისა და განათლების, მათი მრავალმხრივი განვითარების უზრუნველყოფა და სკოლისათვის მომზადების ხელშეწყობა. აღნიშნული მიზნის მისაღწევად, მნიშვნელოვანია სკოლამდელი საგანმანათლებლო დაწესებულებებისთვის მაღალი ხარისხის, ინკლუზიური და თანაბრად ხელმისაწვდომი სკოლამდელი განათლების სისტემის განვითარების ხელშეწყობა, რაც სკოლამდელი განათლების განვითარების სამმართველოს მთავარი ამოცანაა. სკოლამდელი განათლების განვითარების სამმართველო შეიმუშავებს ადრეული და სკოლამდელი აღზრდისა და განათლების სახელმწიფო სტანდარტებს; მათი დანერგვის, განვითარებისა და გაუმჯობესების მიზნით, შეიმუშავებს საჯარო დაწესებულებაში მონიტორინგის სისტემას, ახორციელებს მონიტორინგს, შეფასებას და ამზადებს შესაბამის რეკომენდაციებს. განსაზღვრავს სკოლამდელი განათლების და სასკოლო მზაობის პროგრამების ხარისხის გაუმჯობესების სტრატეგიებს. სკოლამდელი განათლების განვითარების სამმართველო ინკლუზიური განათლების პრინციპების, ქვეყნის კულტურული და ეროვნული მახასიათებლების გათვალისწინებით, შეიმუშავებს საჭირო საგანმანათლებლო რესურსების სიასა და მეთოდოლოგიურ რესურსებს; უზრუნველყოფს რესურსების მუნიციპალიტეტებისათვის ხელმისაწვდომობას. სამმართველო ახორციელებს მუნიციპალიტეტების კონსულტირებას სკოლამდელი განათლების ხარისხის უზრუნველყოფის შესახებ და ხელს უწყობს საზოგადოების ინფორმირებულობას სკოლამდელ განათლებასთან დაკავშირებით.