ქართული ლიტერატურის ისტორიის ექვსტომეულის წინამდებარე ტომში, ბუნებრივია, მთავარი ადგილი უჭირავს კლასიკოსებს, რომელთა შემოქმედებამ განსაზღვრა xix ს. პირველი ნახევრის ქართული ლიტერატურის განვითარების მაგისტრალური ხაზი. ამასთანავე, წიგნში განხილულია ნაკლებად ცნობილი მწერლების შემოქმედებაც, რასაც ეპოქის საერთო ლიტერატურული პროცესის ისტორიული სურათის აღსადგენად გარკვეული მნიშვნელობა აქვს. ტომი ორი ნაწილისაგან შედგება: პირველ ნაწილში მიმოხილულია რომანტიზმი, ხოლო მეორეში − ქართული რეალიზმის განვითარების პირველი ეტაპი, რომელიც ესაზღვრება 60-იან წლებს.